தமிழின் அருமையை அறிவோமா..........

POWER OF TAMIL - Can you compare it with any other languages?????????



1 = ONDRU -one
10 = PATTU -ten
100 = NOORU -hundred
1000 = AAYIRAM -thousand
10000 = PATTAYIRAM -ten thousand
100000 = NOORAYIRAM -hundred thousand
1000000 = PATTU NOORAYIRAM - one million
10000000 = KOODI -ten million
100000000 = ARPUTHAM -hundred million
1000000000 = NIGARPUTAM - one billion
10000000000 = KUMBAM -ten billion
100000000000 = KANAM -hundred billion
1000000000000 = KARPAM -one trillion
10000000000000 = NIKARPAM -ten trillion
100000000000000 = PATHUMAM -hundred trillion
1000000000000000 = SANGGAM -one zillion
10000000000000000 = VELLAM -ten zillion
100000000000000000 = ANNIYAM -hundred zillion
1000000000000000000 = ARTTAM -?////
10000000000000000000 = PARARTTAM --anybody know
100000000000000000000 = POORIYAM -<>?#%^&
1000000000000000000000 = MUKKODI -&^*^%^#
10000000000000000000000 = MAHAYUGAM -????????????????

அட என்ன காந்தியம் !!

காந்தியின்
சுவடுகளை
தொலைத்த
காங்கிரஸ் தொண்டர்களுக்கு
வருத்தமாம்

சாராய வியாபாரி
சுவடுகளை மீட்டெடுத்ததில்

தமிழனின் உணர்வு

எங்களின்
வார்த்தைகள்
ராஜபுத்திரர்களின்
உடைவாளை போன்றது

போர்களத்தில்
மட்டுமே பாயும்

சிலரின் அடுப்பங்கரையில்
காய்கறி
நறுக்காது !!!

கடைக்கண் பார்வை !!

என்றோ பட்ட
என் கடைக்கண்
பார்வையில்

சிறு செடி ஒன்று
ஆலமரம் போல்
வளர்ந்து
நின்றேனை
ஆரத்தழுவிட
நினைத்தபோது
உதறி தள்ளியது
என் உதடுகள் மட்டும்

இனியவளே !

அந்தி சூரியன்
அவசரகதியில்
போய்க்கொண்டிருந்த நேரம்

மஞ்சள் வானம் மனதை திருடியது

அந்த நேரத்து
ரயில் பயணத்தில்
ஜன்னலோர இருக்கையில்
நீ

உன் எதிர்
இருக்கையில்
வந்தமர்ந்த நேரம்
முதல்
உன்னையே
ரசித்துகொண்டிருந்தேன்

எதார்த்தமாய்
நீ
வீசிய பார்வையில்

மஞ்சள் வானமாகி போனாய் நீ

சில்லென்றது மனம் !

விதியே விதியே

விதியே விதியே
என்ன செய்ய நினைதிட்டாய்
தமிழ் சாதியை

உலகே
உன் செவிகளுக்கு
எட்டவில்லையோ
என் உலக தமிழர்களின்
குமுறல்

வீதிகொரு போராட்டமும்
ஊருக்கொரு தீக்குளிப்பும்
ஒவ்வொரு நாளும்
நடந்தேறிகொண்டிருக்க

வான் வெளி தாக்குதலில்
வழி நெடுக தமிழனின் பிணம்

குழந்தை என்ன ?
குமரன் என்ன?
கிழவன் என்ன ?

தமிழனா?

கொன்று
குவிக்க படவேண்டியவர்கள் .


குண்டடி பட்டு சாவது மட்டும் என்ன
கொளுத்திக்கொண்டு சாவதும்
என் தமிழனே

உலகமே உற்று நோக்கும்
சமயத்திலும்
உரக்க கத்துகிறான்

"கோத்தபாய "

எனும் சிங்களன்

- தமிழ் பெண்கள் ராணுவத்தினர்க்கு இரையாகட்டும்

தமிழ் ஆண்கள் கடலுக்கு இரையாகட்டும் - என்று

உலகமே நீ செவிடானதேனோ ?

குருடானதேனோ ?

விதியே ! உலகே உன் நோக்கம் தான் என்னவோ?

மகனே வீரனே

ஏன் பிறந்தாயா, என் செல்வமகனே.....?

உலகை உலுக்கும் உக்கிரமான போராம் ,
போர் விமானங்களுக்கு பயந்து பதுங்கு குழிகளுக்குள் புகழிடம் தேடியே பொழுதுகள் நகர்கிறது

பிழைக்க வழி இல்லை
வெடிகுண்டுகளின்
சத்தங்களுக்கு இடையில்

உன் அழுகுரல்

எனை வீரிட்டு எழ செய்து

சுதாரித்து பாலூட்ட முனைகிறேன்

இரண்டு நிமிட மௌனத்திற்கு
பின் மீண்டும்
உன் அழுகுரல்

பால் சுரக்கவில்லை

பதுங்குவதர்க்கே நாழிகைகள் போக
நான் என்ன செய்ய ?

நான்
பசியாறி
பாலூறி
உனக்கு புகட்ட .

பெட்டைகளான முப்படைகளும்

நம் போராளி தாக்குதல்களை
எதிர்க்க திராணி இல்லாமல்

பாவம் !
நம் பெண்டிரையும்,
நிராயுதபாணி மக்களையும்
கொன்று குவிக்கிறது .

பள்ளிகூடங்களும்
மருத்துவமனைகலுமே
அவர்களது
இலக்காம் .....

அதிகாரம் இல்லை
அடிமை முறை மட்டுமே
நமக்கு கிடைத்த சுதந்திரமாம் ,

கண்ணில் படும்
தமிழ் பெண்டிரெல்லாம்
ராணுவ காமுகர்களுக்கு
இரையாகட்டுமாம்

கண்ணில் படும்
தமிழ் ஆடவரெல்லாம்
கடலுக்கு இரையகட்டுமாம்

எத்தனை கொடுமையடா !

என்னடா மகனே
பால் சுரக்கவில்லையோ?

ஏனடா அழுகிறாய் ?

அழாதே
நீ தமிழனாக பிறந்தவன்

சுதந்திரம் மட்டுமே
உன் பசியை போக்கும்

வயிற்று பசியை
மறக்க கற்றுக்கொள்

வயிற்று பசியாலும்
மரணம் சம்பவிக்கும் எனும் போது
வெடிகுண்டுகளுக்கு பயந்து
பதுங்கு குழிகள் எதற்கு
என்கிறாயா?

உன்னை பெற்றதே
இம் மண்ணில்
சுதந்திரம்
பெறுவதற்காக தானே !

ஒரு போராளியை
உருவாக்கத்தானே !

உனக்கு
இந்த பதுங்கு குழிகள்
எதிரியை
கொன்று குவித்து
புதைக்க பயன்படும் .......

மார்பை முட்டி
குடித்து கொண்டிருக்கிறது
என் தமிழ் குழந்தை
பாலுக்கு பதில் வீரத்தை !!

சார்லஸ் அந்தோனி

சிங்கத்தின் கூடாரத்தை
சின்னா பின்னமாக்கபோகும்
எங்களின்
புலிக்குட்டி !